IPL 2025 Final Preview: ପଞ୍ଜାବ କିଙ୍ଗ୍ସ ଓ ଆରସିବି ମଧ୍ୟରେ ଐତିହାସିକ ମୁକାବିଲା
ଅହମ୍ମଦାବାଦ, ୦୩|୦୬: ୭୩ ଟି ମ୍ୟାଚ୍ ପରେ, IPL 2025 Final ରେ ପଞ୍ଜାବ କିଙ୍ଗ୍ସ ଓ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଟ୍ରଫି ପାଇଁ ମୁହାଁମୁହିଁ। ଦଳ ରଚନା, ଖେଳାଳି ଫର୍ମ, ପିଚ୍ ରିପୋର୍ଟ୍ ଓ ମୁଖ୍ୟ ମୁକାବିଲା ଉପରେ ଏକ ଗଭୀର ଦୃଷ୍ଟି।
୭୨ ଦିନ ଧରି ଚଳିଥିବା ରୋମାଞ୍ଚକର ଏବଂ ୭୩ଟି ସଂଘର୍ଷପୂର୍ଣ୍ଣ ମ୍ୟାଚ୍ର ପରେ ଚଳିତ ଆଇପିଏଲ୍ ଏବେ ଅନ୍ତିମ ପର୍ଯ୍ୟାୟକୁ ପହଞ୍ଚିଛି। କେବଳ କିଛି ଘଣ୍ଟା ପରେ ଆରମ୍ଭ ହେବ IPL 2025 ସୀଜନର ଫାଇନାଲ୍ ମୁକାବିଲା, ଯେଉଁଥିରେ ପଞ୍ଜାବ କିଙ୍ଗ୍ସ ଓ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମୋଟେରାର ନରେନ୍ଦ୍ର ମୋଦି ଷ୍ଟାଡିୟମ୍ରେ ଟ୍ରଫି ପାଇଁ ମୁହାଁମୁହିଁ ହେବେ।
ଏହି ଫାଇନାଲ୍ ମ୍ୟାଚ୍ ଦ୍ୱାରା ଆସିବ ଆଉ ଏକ ନୂଆ ଚାମ୍ପିଅନ୍। ଉଭୟ ଦଳ ଏପର୍ଯ୍ୟନ୍ତ ଆଇପିଏଲ୍ ଜିତିପାରିନାହାନ୍ତି, ତେଣୁ ଏଥିପାଇଁ ସେମାନେ ବିଶେଷ ଉତ୍ସାହିତ ଓ ଆଶାବାଦୀ।
ପଞ୍ଜାବ କିଙ୍ଗ୍ସ ଦ୍ଵିତୀୟଥର ପାଇଁ ଫାଇନାଲରେ ପହଞ୍ଚିଛି, ଯେଉଁଥିରେ ୨୦୧୪ ମସିହାରେ ସେମାନେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ପରାଜିତ ହୋଇଥିଲେ। ଅନ୍ୟପଟେ, ରୟାଲ୍ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୨୦୦୯, ୨୦୧୧ ଓ ୨୦୧୬ ପରେ ଚତୁର୍ଥଥର ପାଇଁ ଫାଇନାଲ୍ ଖେଳିବାକୁ ଯାଉଛି।
ଲିଗ୍ ଓ ପ୍ଲେଅଫ୍ ମ୍ୟାଚ୍ରେ ଦେଖାଯାଇଥିବା ଫର୍ମ ଅନୁଯାୟୀ ରୟାଲ୍ ଚ୍ୟାଲେଞ୍ଜର୍ସ ଅନେକ ଶକ୍ତିଶାଳୀ ଲାଗୁଛି, ତଥାପି ପଞ୍ଜାବ କିଙ୍ଗ୍ସ ତାଙ୍କର ପୂର୍ବ ହାରର ପ୍ରତିଶୋଧ ନେବା ପାଇଁ ପୁରାପୁରି ତେୟାରି ରହିଛି।
ଲିଗ୍ ଓ ପ୍ଲେ-ଅଫ୍ ଶେଷ ହେବା ପରେ ଆଉ ଉଭୟ ଦଳର ପ୍ରଦର୍ଶନକୁ ନେଇ ଆଲୋଚନା କରିବାର ଆବଶ୍ୟକତା ନାହିଁ। ଏବେ ସବୁ ଆଶା ଏବଂ ଚାପ ଗଠିତ ହେଉଛି କେବଳ ଏକ ମ୍ୟାଚ୍ – ଫାଇନାଲ୍ ଉପରେ। ଉଭୟ ଦଳର ପୂର୍ବ ପ୍ରଦର୍ଶନ ମାନ୍ୟ ଯେତେ ଭଲ ଥାଉ, ବିଜୟୀ କିଏ ହେବ ସେଥିର ନିଷ୍ପତ୍ତି ଆଜିର ପ୍ରଦର୍ଶନ ଉପରେ ନିର୍ଭର କରିବ।
ପଞ୍ଜାବ କିଙ୍ଗ୍ସ ବି ରୟାଲ୍ ଚ୍ୟାଲେଞ୍ଜର୍ସ ପରି ଏହି ଟୁର୍ଣ୍ଣାମେଣ୍ଟରେ ଆରମ୍ଭରୁ ଶେଷ ପର୍ଯ୍ୟନ୍ତ ଦମଦାର ଖେଳ ଦେଖାଇଛି। ପ୍ରଥମ କ୍ୱାଲିଫାୟର୍ରେ ରୟାଲ୍ ଚ୍ୟାଲେଞ୍ଜର୍ସ, ପଞ୍ଜାବକୁ ୮ ୱିକେଟ୍ରେ ହରାଇ ଫାଇନାଲ୍ ଟିକେଟ୍ ସୁନିଶ୍ଚିତ କରିଥିଲେ। ତଥାପି, ପଞ୍ଜାବ ଦ୍ଵିତୀୟ କ୍ୱାଲିଫାୟର୍ରେ ପଞ୍ଚଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସକୁ ୫ ୱିକେଟ୍ରେ ହରାଇ ଅଭିନବ ଶୈଳୀରେ ଫାଇନାଲରେ ପ୍ରବେଶ କଲା।
ଏହି ମୁକାବିଲାରେ ଶ୍ରେୟାସ ଆୟରଙ୍କ ବିଶିଷ୍ଟ ବ୍ୟାଟିଂ ଇନିଂସ ଦର୍ଶକମାନେ ଦୀର୍ଘଦିନ ପର୍ଯ୍ୟନ୍ତ ସ୍ମରଣ କରିବେ। କିନ୍ତୁ ରୟାଲ୍ ଚ୍ୟାଲେଞ୍ଜର୍ସ ବିପକ୍ଷରେ ତାଙ୍କର ଫର୍ମ ଏପର୍ଯ୍ୟନ୍ତ ନିରାଶାଜନକ ରହିଛି – ତିନୋଟି ମ୍ୟାଚ୍ରେ କେବଳ ୭, ୬ ଓ ୨ ରନ୍ରେ ସୀମିତ ରହିଛନ୍ତି।
Also Read: ହେନରି କ୍ଲାସେନ୍ ଅନ୍ତର୍ଜାତୀୟ କ୍ରିକେଟରୁ ଅବସର: କ୍ୟାରିଅର୍, IPL ଦରମା ଏବଂ ଅନେକ କିଛି…
ଏହିଥିରୁ ଚିହ୍ନଟ ହୁଏ ଯେ, ଆସନ୍ତାକାଲି ଆୟରଙ୍କ ବ୍ୟାଟ୍ କେମିତି କାମ କରେ, ତାହା ପଞ୍ଜାବ କିଙ୍ଗ୍ସର ବିଜୟ ଅଥବା ବିଫଳତାକୁ ବି ନିର୍ଣ୍ଣୟ କରିପାରେ।
ରୟାଲ୍ ଚ୍ୟାଲେଞ୍ଜର୍ସ ଏହି ଟୁର୍ଣ୍ଣାମେଣ୍ଟରେ ଏକ ସନ୍ତୁଳିତ ଓ ଶକ୍ତିଶାଳୀ ଦଳ ଭାବରେ ପ୍ରମାଣିତ ହୋଇଛି। ଦଳର ବ୍ୟାଟିଂ ଆକ୍ରମଣାତ୍ମକ ଫର୍ମରେ ରହିଛି, ଓ ଜୋସ୍ ହାଜେଲଉଡ୍ଙ୍କ ଯୋଗଦାନ ବୋଲିଂ ବିଭାଗକୁ ଅଧିକ ସୁଦୃଢ଼ କରିଛି। ତାଙ୍କ ସ୍ଥିର ବୋଲିଂ ଉପସ୍ଥିତି ଦଳର ରଣନୀତିକୁ ଗଭୀରତା ଦେଇଛି।
ଅନ୍ୟପଟେ, ପଞ୍ଜାବ କିଙ୍ଗ୍ସ ର ବୋଲିଂ ଯଥେଷ୍ଟ ମଜବୁତ ନ ହେଲେ ମଧ୍ୟ, ତାଙ୍କର ମଧ୍ୟରୁ ଅନେକ ଖେଳାଳି ଦକ୍ଷତା ସହ ମାଇଦାନରେ ନିଜକୁ ପ୍ରମାଣ କରୁଛନ୍ତି। ମାର୍କୋ ଜାନସେନ ଦଳ ଛାଡ଼ିବା ପରେ ବୋଲିଂ ଲାଇନ୍-ଅପ୍ରେ ପ୍ରଭାବ ପଡ଼ିଥିଲେ ମଧ୍ୟ, ଆୟର ତାଙ୍କର ବୈଚିତ୍ର୍ୟ ଓ ଚତୁରତା ସହିତ ବୋଲର୍ମାନେକୁ ସଠିକ୍ ଭାବରେ ବ୍ୟବହାର କରୁଛନ୍ତି।
ମୁମ୍ବାଇ ବିପକ୍ଷରେ ଶେଷ ମ୍ୟାଚ୍ରେ ମାର୍କସ୍ ଷ୍ଟଇନିସ୍ଙ୍କୁ ଅପେକ୍ଷିତ ଭାବରେ ବ୍ୟବହାର କରି ରୋହିତ ଶର୍ମାଙ୍କୁ ଆଉଟ୍ କରିବା, ତାହାର ଏକ ଉତ୍ତମ ଉଦାହରଣ। ଏହାର ଅନୁମାନ ଲାଗିପାରେ ଯେ, ଫାଇନାଲରେ ମୋଟେରାରେ ଆୟର ଓ ହାଜେଲଉଡ୍ଙ୍କ ମଧ୍ୟରେ ଜମା ମୁକାବିଲା ହେବ। ଗତ ୩ ମ୍ୟାଚ୍ରେ ହାଜେଲଉଡ୍ ଦୁଇଥର ଆୟରଙ୍କୁ ଆଉଟ୍ କରି ତାଙ୍କୁ ଅସୁବିଧାରେ ପକାଇଛନ୍ତି।
ଅନ୍ୟଦିଗରୁ, ଆସନ୍ତାକାଲି ଯୁଝବେନ୍ଦ୍ର ଚହଲଙ୍କ ଭୂମିକା ବି ଗୁରୁତ୍ୱପୂର୍ଣ୍ଣ ହେବ। ୮ ବର୍ଷ ଧରି ରୟାଲ୍ ଚ୍ୟାଲେଞ୍ଜର୍ସ ପାଇଁ ଖେଳିଥିବା ଚହଲ, ଏଥର ପଞ୍ଜାବ ପାଇଁ ଖେଳୁଛନ୍ତି। ୨୦୧୬ର ଫାଇନାଲ୍ର ଅଭିଜ୍ଞତା ସହିତ ତାଙ୍କର ବୋଲିଂ ଦକ୍ଷତା ଦଳର ଭାଗ୍ୟକୁ ପ୍ରଭାବିତ କରିପାରେ। ପୂର୍ବରୁ ରୟାଲ୍ ଚ୍ୟାଲେଞ୍ଜର୍ସ ବିପକ୍ଷରେ ମାତ୍ର ୧୧ ରନ୍ ଦେଇ ୨ ଟି ୱିକେଟ୍ ନେଇଥିବା ତାଙ୍କର ପ୍ରଦର୍ଶନ ଏଥିରେ ଆଶାକୁ ବଢ଼ାଇଛି।
ଫାଇନାଲ୍ ପୂର୍ବରୁ ଉଭୟ ଦଳ ତାଙ୍କର ଏକାଦଶରେ କୌଣସି ପରିବର୍ତ୍ତନ କରିବା ସମ୍ଭାବନା ନାହିଁ। ମୁଖ୍ୟ ଦୃଷ୍ଟି ରହିଛି ଟିମ୍ ଡେଭିଡ୍ଙ୍କ ଫିଟ୍ନେସ୍ ଉପରେ। ଯଦି ସେ ସ୍ୱସ୍ଥ ଘୋଷିତ ହୁଅନ୍ତି, ତେବେ ସେ ଦଳରେ ଫେରିବେ ଓ ଲିଭିଙ୍ଗଷ୍ଟୋନ୍ଙ୍କୁ ଏକାଦଶରୁ ବାଦ ଦିଆଯିବ।
ଏହି ଫାଇନାଲ୍ ମ୍ୟାଚ୍ଟି ମୋଟେରା ଷ୍ଟାଡିଅମର ସେଣ୍ଟର ପିଚ୍ରେ ଅନୁଷ୍ଠିତ ହେବ, ଯେଉଁଥିରେ କଳା ଓ ନାଲି ମାଟିର ସମ୍ମିଳିତ ପିଚ୍ ତିଆରି କରାଯାଇଛି। ପୂର୍ବରୁ ଏହି ପିଚ୍ରେ ଗୁଜରାଟ ଟାଇଟନ୍ସ ବିରୁଦ୍ଧରେ ମ୍ୟାଚ୍ରେ ପଞ୍ଜାବ କିଙ୍ଗ୍ସ ଜିତିଥିଲେ, ଯେଉଁଥିରେ ଆୟର ଅପରାଜିତ ୯୭ ରନ୍ ହାସଲ କରିଥିଲେ।
ଏହି ପିଚର ଇତିହାସ ଅନୁଯାୟୀ, ପ୍ରଥମେ ବ୍ୟାଟିଂ କରୁଥିବା ଦଳ ଅଧିକ ସଫଳ ହୋଇଛି, କାରଣରୁ ଟସ୍ ବିଜୟୀ ଦଳ ପ୍ରାୟଃ ବ୍ୟାଟିଂ ନେବାକୁ ଇଚ୍ଛୁକ ହେବ। ଆସନ୍ତାକାଲି ଅପରାହ୍ନରେ ବର୍ଷା ହେବାର ଅନୁମାନ ରହିଥିଲେ ମଧ୍ୟ, ଏହି ବର୍ଷା ମ୍ୟାଚ୍କୁ ବିଘ୍ନିତ କରିବା ଯୋଗ୍ୟ ହେବନାହିଁ, କାରଣ ଏଥିପାଇଁ ଏକ ରିଜର୍ଭ୍ ଦିନ ରଖାଯାଇଛି।
IPL 2025 Final ସମ୍ଭାବ୍ୟ ଦ୍ୱାଦଶ:
ରୟାଲ୍ ଚ୍ୟାଲେଞ୍ଜର୍ସ: ଫିଲ ସଲ୍, ବିରାଟ କୋହଲି, ମୟଙ୍କ ଅଗରୱାଲ୍, ରଜତ ପାତିଦାର (ଅଧ୍ୟାନାୟକ), ଲାଏମ ଲିଭିଙ୍ଗଷ୍ଟୋନ/ଟିମ ଡେଭିଡ୍, ଜିତେଶ ଶର୍ମା, ରୋମାରିଓ ସେଫର୍ଡ, କୃନାଲ୍ ପାଶ୍ୟା, ଭୁବନେଶ୍ୱର କୁମାର, ୟଶ ଦୟାଲ୍, ଜୋସ ହାଜେଲଉଡ୍, ସୂୟାଶ ଶର୍ମା।
ପଞ୍ଜାବ କିଙ୍ଗ୍ସ: ପ୍ରଭସିମରନ ସିଂହ, ପ୍ରିୟାଂଶ ଆର୍ଯ୍ୟ, ଜୋସ ଇଂଲିଶ, ଶ୍ରେୟାସ ଆୟର (ଅଧୁନାୟକ), ନେହାଲ ୱେରା, ଶଶାଙ୍କ ସିଂହ, ମାର୍କସ ଷ୍ଟଇନିସ, ଅଜମତୁଲ୍ଲା ଓମାରଜାଇ, ହରପ୍ରୀତ ବ୍ରାର, କେଲି ଜାମିସନ, ୟୁଝବେନ୍ଦ୍ର ଚହଲ, ବିଜୟ କୁମାର ବୈଶାଖ ।
