ନୂତନ ପରିବହନ ନିୟମ 2024: ବେପରୁଆ ଗାଡ଼ି ଚାଳନା ପାଇଁ କଠୋର ଦଣ୍ଡ, ଡ୍ରାଇଭିଂ ଲାଇସେନ୍ସ ବାତିଲ ହେବ!

ନୂଆଦିଲ୍ଲୀ ୦୧|୦୪: ନୂତନ ପରିବହନ ନିୟମ 2024 ଅନୁଯାୟୀ, ବେପରୁଆ ଗାଡ଼ି ଚାଳନା କଲେ ଡ୍ରାଇଭିଂ ଲାଇସେନ୍ସ ବାତିଲ ହେବ ଏବଂ ଜରିମାନା ଭରିବା ବାଧ୍ୟତାମୂଳକ। ଏହି ନୂତନ ଆଇନ ବିଷୟରେ ସମ୍ପୂର୍ଣ୍ଣ ଜାଣନ୍ତୁ।

ନୂତନ ପରିବହନ ନିୟମ ଅନୁଯାୟୀ, ଯଦି ରାସ୍ତାରେ ଆଇନ ଭଙ୍ଗ କରାଯାଏ କିମ୍ବା ବେପରୁଆ ଗାଡି ଚାଳନା କରାଯାଏ, ତେବେ ଚାଲାଣ ତାରିଖରୁ 3 ମାସ ମଧ୍ୟରେ ବାଧ୍ୟତାମୂଳକ ଭାବରେ ଜରିମାନା ଦେବାକୁ ପଡିବ। ନଚେତ୍, ଡ୍ରାଇଭିଂ ଲାଇସେନ୍ସ (DL) ଖାରଜ ହୋଇପାରେ। ଯେଉଁ ଡ୍ରାଇଭରମାନଙ୍କ ଉପରେ ଲାଲ ସିଗ୍ନାଲ ଉଲଂଘନ, ବେପରୁଆ ଗାଡି ଚାଳନା କରିବା ପାଇଁ ଜଣାଶୁଣା, ସେମାନଙ୍କ ନାମରେ ଗତ ଆର୍ଥିକ ବର୍ଷରୁ 3ଟି ଚାଲାଣ ଜାରି କରାଯାଇଛି। ଆଇନ ପ୍ରବର୍ତ୍ତନ ସଂସ୍ଥା ଦ୍ୱାରା ସେମାନଙ୍କ ଲାଇସେନ୍ସକୁ ସର୍ବନିମ୍ନ 3 ମାସ ପାଇଁ ସ୍ଥଗିତ ରଖାଯିବ। ଏଭଳି ନିଷ୍ପଭି ନେଇଛନ୍ତି କେନ୍ଦ୍ର ସରକାର।

“ଚାଲାଣ ଜୋରିମାନା କରିବାରେ ନୂତନ ପରିବହନ ନିୟମ”

ଚାଲାଣ ଜାରି ହେବାର ତାରିଖରୁ 3 ଦିନ ମଧ୍ୟରେ, ଏକ ଇ-ନୋଟିସ୍ ଗାଡ଼ି ମାଲିକ ଏବଂ ଡ୍ରାଇଭର ଉଭୟଙ୍କ ପାଖରେ ପହଞ୍ଚିବ ଏବଂ ବାଧ୍ୟତାମୂଳକ ଭାବରେ ଜରିମାନା ପୈଠ କରିବ କିମ୍ବା ପରବର୍ତ୍ତୀ 30 ଦିନ ମଧ୍ୟରେ ଏକ ଅପିଲ୍ ଦାଖଲ କରିବ। ଯଦି 30 ଦିନ ମଧ୍ୟରେ କୌଣସି ଉତ୍ତର ନ ମିଳେ, ତେବେ ଡ୍ରାଇଭର ଭୁଲକୁ ସ୍ୱୀକାର କରିଛନ୍ତି ବୋଲି ବିବେଚନା କରାଯିବ। ଯଦି 90 ଦିନ ମଧ୍ୟରେ ଜରିମାନା ପୈଠ ନ କରାଯାଏ, ତେବେ ଡ୍ରାଇଭିଂ ଲାଇସେନ୍ସ ଏବଂ ଯାନର ପଞ୍ଜିକରଣ ପ୍ରମାଣପତ୍ର ବାତିଲ ହୋଇଯିବ।

ଏକ ରିପୋର୍ଟ ଅନୁଯାୟୀ, ସାରା ଦେଶରେ ଜାରି କରାଯାଇଥିବା ବିଭିନ୍ନ ପ୍ରକାରର ଇ-ଚାଲାଣ ମାଧ୍ୟମରେ ସଂଗୃହିତ ଜରିମାନାର ମାତ୍ର 40% ଆଦାୟ କରାଯାଇଛି। ଏହାକୁ ଦୃଷ୍ଟିରେ ରଖି, କେନ୍ଦ୍ର ସରକାର ଭୁଲ ଚାଳକମାନଙ୍କ ବିରୁଦ୍ଧରେ କଠୋର ପଦକ୍ଷେପ ନେବାକୁ ନିଷ୍ପତ୍ତି ନେଇଛନ୍ତି।

Also Read: “ଅନ୍ତ୍ୟୋଦୟ ଆବାସ ଯୋଜନା 2025”: ଗରିବ ଏବଂ ଅସହାୟମାନଙ୍କ ପାଇଁ ନୂତନ ଆଶା

“କେଉଁ ରାଜ୍ୟରେ କେତେ ଜରିମାନା ଆଦାୟ ହେଉଛି?”

ଇ-ଚାଲାଣ ମାଧ୍ୟମରେ ସଂଗୃହିତ ଜରିମାନାର ହାର ପ୍ରତ୍ୟେକ ରାଜ୍ୟ ମଧ୍ୟରେ ଭିନ୍ନ ଭିନ୍ନ। ଦିଲ୍ଲୀରେ ସବୁଠାରୁ କମ୍ 14% ଆଦାୟ ହୋଇଥିବା ବେଳେ, କର୍ଣ୍ଣାଟକରେ 21% ଏବଂ ତାମିଲନାଡୁ ଏବଂ ଉତ୍ତର ପ୍ରଦେଶ 27% , ଓଡିଶାରେ 29%। ରାଜସ୍ଥାନ, ବିହାର, ମଧ୍ୟ ପ୍ରଦେଶ, ମହାରାଷ୍ଟ୍ର ଏବଂ ହରିୟାଣାରେ 62%-76% ହାରରେ ଜରିମାନା ଆଦାୟ କରାଯାଉଛି।

ଅନେକ ଡ୍ରାଇଭରଙ୍କ ଠିକଣା ଏବଂ ମୋବାଇଲ୍ ନମ୍ବର ପରିବର୍ତ୍ତନ ଯୋଗୁଁ, ଟ୍ରାଫିକ୍ ଉଲ୍ଲଂଘନ ସମ୍ବନ୍ଧୀୟ ବାର୍ତ୍ତା ଉଲ୍ଲଂଘନକାରୀଙ୍କ ପାଖରେ ପହଞ୍ଚି ନଥିଲା। ଏହି ସମସ୍ୟାର ସମାଧାନ ପାଇଁ, ସରକାର ଯାନବାହନ ମାଲିକମାନଙ୍କୁ ତିନି ମାସ ମଧ୍ୟରେ ଯେକୌଣସି ଭୁଲ ଠିକଣା ଏବଂ ମୋବାଇଲ୍ ନମ୍ବର ଅପଡେଟ୍ କରିବାର ସୁଯୋଗ ପ୍ରଦାନ କରିବେ। ଏହା ପରେ, ଯଦି ମୋବାଇଲ୍ ନମ୍ବର ଅପଡେଟ୍ ନହୁଏ, ତେବେ ପ୍ରଦୂଷଣ ପ୍ରମାଣପତ୍ର, ଯାନର ବୀମା, ଡ୍ରାଇଭିଂ ଲାଇସେନ୍ସ ଏବଂ ପଞ୍ଜିକରଣ ପ୍ରମାଣପତ୍ର ଜାରି କରାଯିବ ନାହିଁ।

ଏହି ନୂତନ ଆଇନ ଅନୁଯାୟୀ, ଗତ ବର୍ଷ ଅନ୍ତର୍ଗତ ଦୁଇଟି ବକେୟା ଚାଲାଣ ଥିଲେ, ଗାଡ଼ି ବୀମା ପ୍ରିମିୟମ ବୃଦ୍ଧି କରାଯିବ। ଅର୍ଥାତ୍ ନିର୍ଦ୍ଧାରିତ ସମୟ ମଧ୍ୟରେ ଜରିମାନା ନ ଭରିଲେ, ଭବିଷ୍ୟତରେ ଗାଡ଼ି ବୀମା କରିବା ସମୟରେ ଅଧିକ ଟଙ୍କା ଦେବାକୁ ପଡ଼ିପାରେ।